Biznesə yanaşma

 

Paşa Sığorta şirkəti Azərbaycan Respublikası qanunvericiliyinə uyğun olaraq 03 mart 2006-cı il tarixində qeydiyyatdan keçmişdir. Paşa Sığorta 30 milyon AZN nizamnamə kapitalı olan açıq səhmdar cəmiyyətdir

Şirkət öz fəaliyyətini həm korporativ, həm də fərdi müştərilərlə qurmaqla 31 növ üzrə icbari və könüllü sığorta xidmətləri göstərir. Şirkətdə işin yüksək səviyyədə təşkil olunması üçün vaxt itirmədən dərhal institusional inkişaf proqramına start verilmişdir.

Paşa Sığorta-nın korporativ ideologiyasının əsasında korporativ və fərdi müştəriləri məmnun etmək məqsədi durur. Buna həm əməliyyat bizness-prosesləri, həm də onların icraçısı kimi yüksək peşəkarlıq hesabına nail olunmuşdur.

Rəqabət olan biznesdə əməliyyat biznes-prosesləri və biznesin uğurlu alınması üçün idarəetmə komandasının peşəkarlıq faktorları önəmli olduğu kimi, peşəkar sığortaçı üçün də bu faktorlar böyük əhəmiyyət kəsb edir.

Bu mənada qeyd etmək lazımdır ki, Paşa Sığorta-da bütün biznes-proseslər yerli bazarın spesifik xüsusiyyətlərini özündə əks etdirməklə qərbin ən yaxşı sığorta təcrübəsi əsasında qurulmuşdur. Buna əlavə olaraq biznes-proseslər beynəlxalq idarəetmə standartlarına uyğun olaraq formalaşdırılmışdır.

Həmçinin, qeyd edək ki, idarəetmə komandası - Baş Direktor və funksional istiqamətlərdə direktorlar - tanınmış beynəlxalq və yerli biznes strukturlarında təşkilati və əməliyyat sahəsində böyük təcrübəyə malikdirlər.

Bütün bu göstəricilər təklif olunan sığorta məhsullarının keyfiyyətinin lazımi səviyyə və Paşa Sığorta şirkətinin göstərdiyi xidmətin peşəkarlıq səviyyəsinə çatması üçün ciddi faktorlardır.