Həyat sığortası

Bu gün Siz ailənizin və özünüzün firavan həyatınızı təmin etmək üçün kifayət qədər gəlir əldə edirsiniz. Siz uğur qazanırsınız və sizin biznes inkişaf edir.

Lakin mövcud şərait hər an istənməyən istiqamətdə dəyişə bilər və bu Sizin ailə büdcəniz üçün ciddi problemlər yarada bilər.

Öz gələcəyiniz haqqında fikirləşmək vaxtıdır.

Paşa Sığortadan uzunmüddətli həyat sığortası əldə etmək sərfəlidir. Nə üçün?

Həyat sığortası müqaviləsi 5 il və daha uzun müddətə bağlanıla bilər.
Sığorta ödənişlərindən gəlir vergisi tutulmur.
Bədbəxt hadisə baş verdiyi halda müalicə olunmaq üçün Sizə pul ödəniləcəkdir. Ödənişin həcmi dəymiş zərərin dərəcəsindən asılıdır.
Sığorta ödənişi, həmçinin, əlillik dərəcəsi alındığı təqdirdə də verilir. Sığorta müqaviləsinin müddəti bitdiyi zaman Siz yığmağı nəzərdə tutduğunuz məbləği alacaqsınız.
Sığorta şəhadətnaməsinin sahibi vəfat edərsə, onun hüquqi varisləri maddi cəhətdən yardım alacaqdır.
Uşaqlarınızın stabil gələcəyi çox hallarda Sizdən asılıdır. Bizim proqramların köməyi ilə Siz uşaqlarınızın yaşayış yerinin olması və yaxşı təhsil almaları üçün kifayət edəcək qədər məbləğ yığa bilərsiniz.

Uzunmüddətli yığımlı həyat sığortası üzrə Paşa Sığortada sığortalanmaq nə qədər etibarlıdır?

Sizin pullar ölkənin iqtisadi vəziyyətindən asılı olmayaraq tam şəkildə saxlanılacaqdır.

Paşa Sığorta öz öhdəliyi üzrə 20 000 000 manat həcmində nizamnamə kapitalı ilə zəmanət verir!

• Sizin müqaviləniz üzrə uzunmüddətli investisiya proqramını yüksək keyfiyyətli mütəxəsislər hazırlayır.

• Sığorta haqqını nə vaxt ödəyəcəyiniz barədə sərbəst qərar qəbul edə bilərsiniz: yarım ildə bir, hər il və ya birdəfəlik.

• Sığorta təminatına ehtiyacdan və maliyyə imkanlarınızdan çıxış edərək sığorta məbləğini Siz özünüz müəyyən edirsiniz.

• Sığorta təminatı ilkin sığorta haqqının ödənildiyi andan qüvvəyə minir.

• Ailə başçısının erkən vəfat etməsi halında uşaqlarınız üçün nəzərdə tutulmuş pul məbləği bu şərti sığorta müqaviləsinə daxil etməklə sığorta şirkətinin imkanları hesabına artırılır.

• Yığılmış pul məbləğini, sığorta müqaviləsinin müddəti bitəndən dərhal sonra və ya ömürlük pensiya şəklində alacağınıza Siz özünüz qərar verirsiniz.

Sizin fərdi məsləhətçiniz Sizə əlverişli proqramı seçməyə və sığorta ödənişi alarkən sənədləşmə işlərinin həyata keçirilməsinə kömək edəcəkdir.