PAŞA Sığortadan qaydalarla sürənlər üçün 2 dəfə daha ucuz yeni KASKO məhsulu.

PAŞA Sığortadan qaydalarla sürənlər üçün 2 dəfə daha ucuz yeni KASKO məhsulu.

Daim müştərilərini yeni məhsul təklifləri ilə sevindirən PAŞA Sığorta şirkəti bu dəfə qaydalarla sürən, nümunəvi sürücülər üçün yeni KASKO məhsulunu təqdim edir. Yol hərəkət qaydalarına riayət edən sürücülər üçün KASKO artıq 2 dəfə daha ucuzdur.

Beləliklə yeni yaradılan “Sənin KASKOn” məhsulu standart KASKOdan 2 dəfə daha ucuz qiymətə müştərilərə təklif olunur və aşağıda qeyd olunan 7 riskə təminat verir:

• Avtonəqliyyat hadisəsi- iki və ya daha çox avtomobilin toqquşması zamanı sığortalının günahsız olduğu halda;
• Atılmış və ya düşmüş əşya;
• Üçüncü şəxsin qanunazidd hərəkəti;
• Oğurluq, quldurluq, qaçırma və soyğunçuluq;
• Yanğın və partlayış;
• Heyvanların hərəkəti;
• Təbii fəlakətlər.

Bununla daha az sığorta haqqı ödədiyiniz halda belə, hadisə zamanı yaranan zərər PAŞA Sığorta tərəfindən qarşılanacaq.

PAŞA Sığorta şirkəti 2006-cı ildən fəaliyyət göstərir. “PAŞA Holding” qrupunun üzvü olan “PAŞA Sığorta” 300 000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.