*7000

Zəng sifarişi

Zəng sifarişi et

Bağla
Təşəkkür edirik!

İş saatlarında sizinlə əlaqə saxlanılacaq.

4

"COVİD-19" təminatlı tibbi sığorta məhsulu!

PAŞA Sığortanın koronavirus təminatlı "COVID Yardım" məhsulu ilə özünüzün və ya ailə üzvlərinizin sağlamlığını təminat altına ala bilərsiniz. Sığortalı müştəriyə diaqnostika üçün COVID-19 PZR testi, COVID-19 İgM və İgG müayinələri, ağciyərlərin kompüter tomoqrafiyası (KT) müayinəsi tətbiq edilir.

Yenilik !

PAŞA Sığorta müştəriləri avtomobilləri üçün hesablanan KASKO sığortası üzrə ümumi sığorta haqqını məbləğə uyğun olaraq 4 aydan 10 aya qədər hissəli ödənişlə ödəmək imkanına sahib olacaq.

Bildiriş

Hörmətli ziyarətçi, məlumat üçün bildirmək istərdik ki, *7000 Sığorta Məsləhətləri xətti və *0007 nömrələrində bəzən ortaya çıxan texniki nasazlıq səbəbindən əlaqə saxlamaq istəyən müştərilərimiz çətinliklə üzləşə bilir. Bu məsələ ilə bağlı bərpa işləri davam etməkdədir. Tezlikə prosesin tam yekunlaşdırılması və müraciət sahiblərinə ən yüksək xidmətin göstərilməsi nəzərdə tutulmuşdur.

Yeni "Optimal KASKO" məhsulu!

PAŞA sığorta sərfəli qiymətlə, tam təminatlar təklif edən "Optimal KASKO" məhsulunu təqdim edir!

1/5

Sığorta növünü seçin

Bağla
30 Aprel 2017

PAŞA Sığorta şirkəti «Sirli Bakı» layihəsini təqdim edib

PAŞA Sığorta şirkəti Azərbaycan Respublikasının Mədəniyyət və Turizm Nazirliyi tərəfindən beynəlxalq abidələr və tarixi yerlər günü münasibəti ilə təşkil olunmuş tədbirdə «Sirli Bakı» layihəsinin təqdimatını keçirib.


PAŞA Sığortanın təşəbbüsü, PAŞA Holdinq və Azərbaycan Respublikasının Mədəniyyət və Turizm Nazirliyinin dəstəyi ilə reallaşdırılan «Sirli Bakı» layihəsinin başlıca məqsədi paytaxt Bakıda olan tarixi abidələr barədə yerli əhali və şəhərin qonaqlarını məlumatlandıraraq onların şəhərin tarixi barədə maariflənməsinə dəstək olmaqdır.


Layihəyə əsasən, paytaxtda yerləşən tarixi obyektlər qarşısında xüsusi stendlərin quraşdırılması nəzərdə tutulub. Həmin stendlərə yaxınlaşaraq smartfon cihazlar vasitəsilə tarixi obyektlər barədə virtual şəkildə interaktiv məlumat əldə etmək mümkün olacaq. Belə ki, bunun üçün layihə çərçivəsində «Sirli Bakı» mobil tətbiqi tərtib edilib. Tətbiqi smartfon cihazlarına yükləyərək xüsusi hazırlanmış «Artırılmış Reallıq» texnologiyası vasitəsilə smartfonun kamerasını obyektlərin yanında yerləşdirilmiş stendlərin üzərindəki markerə tərəf tutmaq gərəkir. Beləliklə, istifadəçilər həmin tətbiqdə tarixi obyektlərə dair mətn, foto, həmçinin video formatlı məlumatlar əldə edə biləcəklər.


“Bakının 46 tarixi obyekti haqqında ən maraqlı və interaktiv məlumatları özündə əks etdirəcək «Sirli Bakı» layihəsi Bakının irsini yaşatmaq, bu ecazkar şəhərin bənzərsiz tarixi xəzinəsini həm yerli əhaliyə, həm də paytaxtın əcnəbi qonaqlarına tanıtmaq üçün innovativ bir vasitədir. İslam Həmrəyliyi Oyunları, Formula 1 kimi beynəlxalq miqyaslı tədbirlərin mütəmadi olaraq keçirilməsi və nəticə olaraq Bakının turizm mərkəzinə çevrilməsi layihəmizin aktuallığını daha da artırır. Bu möhtəşəm layihənin ərsəyə gəlməsində bizə dəstək göstərən hər kəsə, xüsusilə Azərbaycan Respublikasının Mədəniyyət və Turizm Nazirliyinə dərin minnətdarlığımı bildirirəm”, - deyə PAŞA Sığorta ASC-nin idarə heyətinin sədri Ülviyyə Cabbarova vurğulayıb.


Tətbiqdə həmçinin tanınmış bələdçi və tarixçi Fuad Axundovun səsinin müşayiəti ilə tarixi abidələrin şəkillərindən ibarət slayd şou təqdim olunacaq. Tətbiqdən istifadəni rahatlaşdıran daha bir üstün cəhət burada cari məkandan növbəti abidəyə kimi istiqaməti/marşrutu xəritədə görmə imkanının mövcud olmasıdır.


Azərbaycan, rus və ingilis dillərində çalışan «Sirli Bakı» mobil tətbiqi həm iOS, həm də Android platformaları üçün nəzərdə tutulub.


Qeyd edək ki, PAŞA Sığorta şirkəti 2006-cı ildən fəaliyyət göstərir. “PAŞA Holding” qrupunun üzvü olan “PAŞA Sığorta” 300 000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətidir.

Növbəti xəbər

Azərbaycanda ilk dəfə!
PASHA chatSualınız var?