*7000

Zəng sifarişi

Zəng sifarişi et

Bağla
Təşəkkür edirik!

İş saatlarında sizinlə əlaqə saxlanılacaq.

16 Dekabr 2020

PAŞA Həyat və PAŞA Sığorta tezliklə Şuşada!

Azərbaycanın aparıcı sığorta şirkətləri olan PAŞA Sığorta və PAŞA Həyat Sığorta şirkətləri qısa zamanda Şuşa şəhərində müştərək nümayəndəliyin açılışını planlayır. PAŞA Sığorta və PAŞA Həyat Sığorta şirkətləri olaraq düşmən işğalından azad edilmiş Qarabağda yeni nümayəndəliyimizin yaradılmasından qürur hissi duyuruq.

PAŞA Sığorta şirkətinin İdarə Heyətinin sədri Ülviyyə Cabbarova bu günü çoxdan gözlədiklərini, nəhayət, arzularını reallaşdıra biləcəkləri üçün böyük sevinc hissi keçirdiklərini qeyd edib. “Vətən bizi çağırır və biz Qarabağa gəlirik. Uzun illərdən bəri torpağına, suyuna həsrət qaldığımız doğma Şuşamızdan artıq qürurla xalqımızı “Etibarınıza və rahatlığınıza zəmanət” şüarına səsləyə biləcəyik.”– o, fikrini bu sözlərlə bitirib.

PAŞA Həyat şirkətinin İdarə Heyətinin sədri Niyaz İsmayılov da fikirlərini bölüşüb: “Bu gün rəşadətli ordumuza və Ali Baş Komandana bu imkanı bizə yaratdıqları üçün minnətdarıq. Qarabağ bölgəsinin iqtisadi inkişafı üçün biz də əlimizdən gələni etməyə hazırıq. Həsrət bitdi. Qarabağa həyat qayıdır.”

Artıq biz xəyallarda deyil, real olaraq Qarabağda addımlayırıq. Düşmənin talan etdiyi torpaqlarımızda canlı həyatı biz dövlət və xalq olaraq ən qısa zamanda bərpa etməyi bacaracağıq. Azərbaycan bazarında fəaliyyət göstərən digər şirkətlər də birlik göstərərək bu bölgəmizin iqtisadiyyatının canlanmasına öz töhfəsini verməlidir.

Növbəti xəbər

PAŞA Sığortadan COVID-19 təminatlı yeni “COVID Yardım” tibbi sığorta məhsulu!
PASHA chatSualınız var?