*7000

Zəng sifarişi

Zəng sifarişi et

Bağla
Təşəkkür edirik!

İş saatlarında sizinlə əlaqə saxlanılacaq.

Sığorta növünü seçin

Bağla
28 Dekabr 2018

PAŞA Sığorta şirkəti Yeni il qabağı uşaqların sevincinə səbəb oldu.

PAŞA Sığorta şirkəti Yeni il qabağı Sumqayıtda yaşayan hər iki valideynini itirmiş, sağlamlıq imkanları məhdud olan, aztəminatlı ailələrin uşaqlarına bayram sevinci bəxş etdi.

26 dekabr 2018-ci il tarixində Azərbaycan Qızıl Aypara Cəmiyyəti Sumqayıt şəhər bölməsinin «Mərhəmətli olmağa tələsin!» layihəsi çərçivəsində növbəti xeyriyyə aksiyasına PAŞA Sığorta şirkəti də qoşuldu.

31 dekabr Dünya Azərbaycanlılarının Həmrəylik Günü və Yeni İl münasibəti ilə 100 nəfər hər iki valideynini itirmiş, sağlamlıq imkanları məhdud olan, aztəminatlı ailələrin uşaqlarına Sumqayıtda yerləşən 1 saylı Uşaq-Gənclər İnkişaf Mərkəzində bayram şənliyi keçirildi. Tədbirə giriş olaraq Azərbaycan Qızıl Aypara Cəmiyyətinin Sumqayıt şəhər bölməsinin sədri Mətanət Məhərrəmova çıxış edərək, tədbirdə iştirak edən PAŞA Sığorta ASC-nin əməkdaşlarını eləcədə bölmənin qeydiyyatında olan hər iki valideynini itirmiş, sağlamlıq imkanları məhdud olan, aztəminatlı ailələrin uşaqlarını salamlayaraq onları hər iki bayram münasibəti ilə təbrik etdi. Davam olaraq 1 saylı Uşaq-Gənclər İnkişaf Mərkəzində uşaqlar üçün xüsusi bayram proqramı təşkil olundu.

PAŞA Sığorta şirkətinin əməkdaşları da öz növbələrində bayram təbriklərini uşaqlarla bölüşdülər. Eyni zamanda bölmə sədri «Mərhəmətli olmağa tələsin!» aksiyasında aktiv iştirak edən PAŞA Sığorta ASC üçün bölmənin hazırladığı xüsusi Təşəkkürnamə şirkətin əməkdaşına təqdim etdi. Tədbirin sonunda uşaqlara bayram hədiyyələri paylanıldı.

Növbəti xəbər

PAŞA Sığorta şirkəti avtomobil sığortası üzrə yeni maskotunu təqdim etdi.

Bizimlə qalın

Yeniliklərimiz barədə mütəmadi məlumat əldə etmək üçün e-mail adresinizi qeyd edin