*7000

Zəng sifarişi

Zəng sifarişi et

Bağla
Təşəkkür edirik!

İş saatlarında sizinlə əlaqə saxlanılacaq.

15 Aprel 2015

PAŞA Sığorta şirkəti Lənkəran və Göyçay şəhərlərində yeni nümayəndəliklərinin açılışını keçirdi

Daima müştəri məmnuniyyətini artırmaqda səylərini əsirgəməyən PAŞA Sığorta şirkəti aprel ayının 15-i Lənkəran, 17-si isə Göyçay şəhərlərində yeni nümayəndəliklərini müştərilərin xidmətinə verdi. Təntənəli açılış mərasimində PAŞA Sığorta ASC-nin İdarə Heyətinin üzvləri, departament və şöbə rəhbərləri, həmçinin yerli icra hakimiyyətinin rəhbər və məsul işçiləri iştirak etdi. Müasir tələblərə tam cavab verən yeni nümayəndəliklər Lənkəran şəhəri, H. Aslanov küçəsi 1 və Göyçay şəhəri, Nizami küçəsi ünvanlarında fəaliyyət göstərəcəkdir.

Nümayəndəlik şəbəkəsinin genişlənməsi PAŞA Sığorta şirkətinin əsas inkişaf prioritetləri sırasındadır, əsas məqsəd isə tək Bakı şəhərində deyil, həmçinin regionlarda yaşayan əhalinin bütün sığorta xidmətlərindən rahat şəkildə faydalanmasını, baş verən sığorta hadisələri zamanı isə peşəkar heyətin dəstəyi ilə müştərilərə operativ xidmətin göstərilməsini təmin etməkdir.

Artıq müəyyən müddət fəaliyyət göstərən Gəncə, Quba və Zaqatala regional ofislərinin sırasını tamamlayan Lənkəran və Göyçay nümayəndəliklərinin açılışı ilə PAŞA Sığorta ölkə üzrə regional xidmət mərkəzlərinin sayını 10-a çatdırmışdır.

Qeyd edək ki, «PAŞA Sığorta» şirkəti 2006-cı ildən fəaliyyət göstərir. «PAŞA Holding» qrupunun üzvü olan “PAŞA Sığorta” korporativ və fərdi müştərilərə 31 növ könüllü və icbari sığorta üzrə xidmət göstərir. Nizamnamə kapitalı 50 mln manat olmaqla, “PAŞA Sığorta” kapitallaşma göstəricilərinə və riskləri özündə saxlama gücünə görə Azərbaycanın sığorta və təkrar sığorta bazarında lider mövqeyini gücləndirdi.

Növbəti xəbər

PAŞA Sığorta Şirkəti ilin sığorta şirkəti seçildi
PASHA chatSualınız var?